Primeiras confirmacións
A ACDeM Armadiña dou a coñecer esta semana, dúas das bandas que formarán parte do cartaz do Festival Armadiña Rock Estrella Galicia este ano o 23, 24 e 25 de agosto en Combarro.
Unha das bandas referente do rock do País, e que por segunda vez estará no Festival Armadiña Rock, será NAO. Esta será a última xira da banda da Estrada, xa que foi anunciada a súa retirada dos escenarios. Darémoslle unha acalorada despedida, brincando con eles na Chousa a última fin de semana de agosto, ben a merecen!
Bastards On Parade será outra das bandas que revolucionarán Combarro este ano. A banda de A Coruña, son un referente galego do punk-rock con raíces celtas. O seu particular estilo, leva xa máis de dez anos percorrendo escenarios e festivais por toda Europa.
Esta XI edición do Festival Armadiña Rock Estrella Galicia contará, coma nestes últimos anos coa acampada nas inmediacións da Reiboa, que coma o festival, son totalmente de balde. Está organizado pola ACDeM Armadiña e apoiado polo Concello de Poio e pola Deputación de Pontevedra.
A organización anunciará o resto das bandas nos próximos días.
Combarro, a 21 de xuño de 2019
- admin
- 0 Comments
- Novas
Enviar comentario * Enderezo de e-mail non publicado. Os campos obrigatorios estan marcados con *